Абраны курс на развіццё

DSC_0036

Якіх вынікаў дасягнула сельгасарганізацыя ў мінулым годзе і над чым неабходна працаваць сёлета, каб гаспадарка функцыянавала і развівалася, а дабрабыт работнікаў паляпшаўся — асноўныя пытанні справаздачна-выбарчага сходу, які 6 сакавіка прайшоў у ААТ “Саўгас “Кісялевічы”. Удзел у традыцыйным і значным для калектыву гаспадаркі мерапрыемстве прыняла намеснік начальніка ўпраўлення сельскай гаспадаркі і харчавання па раслінаводстве райвыканкама Ж.А. Жукоўская.

Са справаздачай аб праробленай у мінулым годзе рабоце выступіў дырэктар акцыянернага таварыства В.А. Епіхаў. Як станоўчае ён адзначыў павелічэнне ў мінулую ўборачную кампанію, у параўнанні да папярэдняга года,  аб’ёмаў вытворчасці зерня, а таксама па выніках года прывагаў буйной рагатай жывёлы. Сярод адмоўнага — зніжэнне ў параўнанні да 2013 года вытворчасці малака і, як вынік — невыкананне намечаных на год планаў, недабор грашовых сродкаў на развіццё прапрыемства.

На павестцы дня сходу стаялі і такія важныя пытанні, як зацвярджэнне вытворчага плану на гэты год (дакладчык галоўны эканаміст В.В. Александровіч), зацвярджэнне гадавой бугалтарскай  справаздачы за 2014 год (намеснік галоўнага бухгалтара Л.П. Чункевіч), выкананне  адміністрацыяй ААТ “Саўгас Кісялевічы” калектыўнага дагавору ў мінулым годзе і ўнясенне змен і дапаўненняў у КД згодна Працоўнага кодэксу РБ (дакладчык старшыня прафкама М.А. Аўдзеева).

Падчас сходу адбыліся таксама выбары складу грамадскіх фарміраванняў, такіх як жансавет, камісія па барацьбе з п’янствам і алкагалізмам, жыллёвая камісія, па працоўных спрэчках, добраахвотная дружына. Былі закрануты пытанні дзейнасці пярвічнай арганізацыі “БРСМ”, абмеркаваны іншыя злабадзённыя пытанні.

І, вядома ж, не абыйшлося без узнагароджванняў. Перадавікам вытворчасці, тым, чые паказчыкі па выніках мінулага года прызнаны найвышэйшымі ў гаспадарцы, хто сваёй сумленнай працай унёс значны ўклад у развіццё прадпрыемства, былі ўручаны ганаровыя граматы і грашовыя прэміі. Апошняга ўдастоіўся 21 працаўнік сельгасарганізацыі.

Завяршыўся сход на мажорнай — у прамым і пераносным сэнсе — ноце: цудоўнай  канцэртнай праграмай, якую для калектыву ААТ “Саўгас Кісялевічы” наладзілі работнікі Ленскай установы культуры, і намерам кожнага працаўніка зрабіць усё, што ад яго залежыць, каб прынятыя падчас сходу рашэнні ўдалося ажыццявіць.

Алена КАРПЕНКА.

 

 

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.