Скарочаны тэрмін рамонту тэхнікі

У гэтым годзе, згодна патрабаванняў Міністэрства сельскай гаспадаркі і харчавання Беларусі і Магілёўскага аблвыканкама, сельскагаспадарчую тэхніку, якая будзе задзейнічана ў веснавых палявых работах, неабходна падрыхтаваць і паставіць на лінейку гатоўнасці ўжо да 1 лютага.
У мінулым годзе тэрмін на дадзеныя мэты адводзіўся больш працяглы — да пачатку сакавіка. А гэта значыць сёлета — перад гаспадаркамі пастаўлены даволі складаныя задачы, да вырашэння якіх у калектывах прыступілі практычна адразу ж пасля заканчэння мінулага сельскагаспадарчага сезону: уся тэхніка была прадэфектавана, вызначаны аб’ёмы работ, складзены графік рамонту.
На гэты час, як паведамілі ў райсельгасхарчы, рамонтныя работы вядуцца поўным ходам, нягледзячы на фінансавыя складанасці асобных гаспадарак. Бюджэтных сродкаў на дадзеныя мэты сёлета не прадугледжана — сельгасарганізацыі абыходзяцца ўласнымі намаганнямі: рамантуюць тэхніку за грошы ад продажу сельгаспрадукцыі, прыцягваюць крэдытныя рэсурсы.
Працэс рамонту сельгасмашын на працягу ўсяго перыяду кантралюецца як непасрэдна райсельгасхарчам, так і аблвыканкамам, і Міністэрствам сельскай гаспадаркі і харчавання. Штодня сельгасарганізацыі прадстаўляюць ва ўпраўленне сельскай гаспадаркі і харчавання справаздачы аб ходзе дадзеных работ. На гэты час у некаторых з іх тэхніка да пастаноўкі на лінейку гатоўнасці практычна падрыхтавана, але ёсць і тыя, якія ў вызначаны графік не ўкладваюцца. Як бы там ні было, але сітуацыю крытычнай, па словах начальніка Бабруйскай раённай інспекцыі, галоўнага дзяржаўнага інжынера-інспектара Дзяржтэхнагляду М.М. Голуба, назваць нельга — да пачатку веснавых палявых работ неабходная тэхніка будзе падрыхтавана.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.