На пасады прызначаны
З 23 снежня 2014 года прыняў справы і воінскую пасаду ваеннага камісара Бабруйскага аб’яднанага гарадскога ваеннага камісарыяту падпалкоўнік Аляксей Пятровіч БЕРАЗОЎСКІ.
Аляксей Пятровіч скончыў у 1999 годзе Ваенную акадэмію Рэспублікі Беларусь. Праходзіў службу ў Асіповічах, у 336-й рэактыўнай брыгадзе, затым, да 2008 года — у Бабруйску. У гэтым жа годзе паступіў на камандна-штабны факультэт Ваеннай акадэміі Рэспублікі Беларусь. Пасля заканчэння вучобы ў 2010 годзе быў накіраваны для нясення службы ў Бабруйск, у наступным годзе ўзначаліў Кармянскі раённы ваенны камісарыят, у 2013-ым — Глускі раённы ваенны камісарыят.
Нарадзіўся А.П. Беразоўскі ў горадзе Хмяльніцку Украіны. Аднак з 1981 года жыве ў Бабруйску і горад на Бярэзіне лічыць сваім родным.
Жанаты, выхоўвае дачку.
З 6 студзеня сёлетняга года да работы ў пасадзе старшыні Бабруйскага раённага аб’яднання арганізацыі прафсаюзаў, уваходзячых у Федэрацыю прафсаюзаў Беларусі, прыступіла Людміла Васільеўна КРЫЧКО.
Людміла Васільеўна скончыла Магілёўскі дзяржаўны педагагічны інстытут імя А. Куляшова па спецыяльнасці гісторыя. На працягу дзесяці год працавала настаўнікам гісторыі і сацыяльна-палітычных дысцыплін у Цялушскай школе. З 2008 па сакавік 2013 года была начальнікам Бабруйскіага філіяла РУП “Інфармацыйна-вылічальны цэнтр” галоўнага статыстычнага ўпраўлення Магілёўскай вобласці, з 2013-га па май 2014 года ўзначальвала Бабруйскі філіял РУП “Інфармацыйна-вылічальны цэнтр Белстата Рэспублікі Беларусь”. З ліпеня мінулага года і да новага прызначэння была намеснікам начальніка Упраўлення па працы, занятасці і сацыяльнай абароне Бабруйскага райвыканкама.
Замужам, выхоўвае дачку-студэнтку.
Любіць актыўны адпачынак, з’яўляецца прыхільнікам здаровага ладу жыцця.