Якой павінна быць практыка фарміравання грамадзянскасці і патрыятызму падрастаючага пакалення, каб адпавядаць сучаснаму накірунку сацыяльна-эканамічнага развіцця нашага грамадства? Як павінен працаваць сённяшні педагог, каб выхаваць маладых людзей у духу высокай грамадзянскасці і сацыяльнай актыўнасці?

Адказы на гэтыя пытанні шукалі педагогі Бортнікаўскай школы ў час правядзення педсавета “Выхаванне грамадзянскасці і патрыятызму як адзін з напрамкаў дзейнасці ўстановы адукацыі па фарміраванні ў вучняў грамадзянскай самасвядомасці”.

Дзейнасць педагагічнага савета ажыццяўлялася праз работу ў групах.

На пачатку пасяджэння выступіла дырэктар школы І.В. Нікалаева і паведаміла ўдзельнікам педсавета яго мэту, вызначыла задачы. У сваім выступленні “Патрыятызм як фактар развіцця і фарміравання асобы” зрабіла акцэнт на гісторыі фарміравання паняцця “патрыятызм” і яго розных уяўленнях у залежнасці ад грамадска-палітычнага ладу, дзяржаўнай палітыкі і асаблівасцей развіцця дзяржавы — ад эпохі Адраджэння да сённяшніх дзён.

Намеснік дырэктара па выхаваўчай рабоце С.І. Сіліч расказала аб сістэме работы школы па патрыятычным выхаванні вучняў.

Актыўна дзяліліся настаўнікі сваім уласным вопытам у пэўным накірунку дадзенай праблемы. Прадстаўлялі фрагменты ўрокаў, факультатыўных заняткаў, выхаваўчых мерапрыемстваў, дэманстравалі метады і прыёмы, якія садзейнічаюць фарміраванню ў вучняў грамадзянскай самасвядомасці, нацыянальнай годнасці, патрыятызму.

Ірына НІКАЛАЕВА,

дырэктар Бортнікаўскай СШ