Навядзем чысціню разам

Абкоска тэрыторый ад травы і пустазелля, бадай, ці не галоўная задача, якую ў летнюю пару даводзіцца вырашаць сельвыканкамам, тым больш што сёлета росту расліннасці надзвычай садзейнічае надвор’е.
У Слабодкаўскім сельсавеце, як адзначыў старшыня сельвыканкама А.У. Шэлег, задача ўскладнілася яшчэ і тым, што з-за павышанай эксплуатацыі некаторы час у сапсаваным стане знаходзілася бензакасілка. Аднак, каб не заставаліся неабкошанымі цэнтральныя вуліцы, да гэтай работы на час рамонту была прыцягнута тэхніка УКП “Жылкамгас”. Цяпер каса адрамантавана, і работы па абкосцы тэрыторый сельсавета ўласнымі намаганнямі адноўлены. Не застаюцца ў баку, па словах старшыні, і вяскоўцы. Жыхары, у асноўным, з разуменнем падыходзяць да свайго абавязку па ўтрыманні зямлі ў парадку. З тымі, хто гэтым грэбуе, праводзіцца тлумачальная работа.
Адначасова ў сельсавеце вядуцца работы па ўтрыманні ў належным стане могілак. На Варановіцкіх — адрамантавалі агароджу, у планах — ажыццявіць гэта на могілках в. Лекерта. Пры гэтым у мясцовай улады маюцца нараканні ў адрас некаторых гараджан, у асаблівасці тых, чые родныя і блізкія знайшлі свой апошні спачын на бярэзавіцкіх могілках: многія з іх не адносяць смецце ў спецыяльна адведзеныя для гэтых мэт месцы, чым ускладняюць работу тэхнікі, якая займаецца ўборкай. Між тым, могілкі — месца святое, і адносіны да яго ўтрымання павінны быць адпаведнымі.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.