Темы

Парупімся сёння — будзем мець заўтра

Нарыхтоўка сена, сенажу і сіласу — не адзіны клопат сельгасвытворцаў на гэтую пару. Адначасова з вырашэннем надзвычай важнай для раёна задачы па забеспячэнні грамадскай жывёлагадоўлі травяным кормам праводзяцца мерапрыемствы не меней стратэгічна значныя, накіраваныя на ахову пасеваў азімых і ярыны ад шкоднікаў, хвароб і пустазелля, для якіх вільготнае надвор’е з’яўляецца асабліва спрыяльным. Тое ж пустазелле, пры ўмове неапрацоўкі альбо несвоечасовай апрацоўкі пасеваў ядахімікатамі, здольна “заглушыць” культуру настолькі, што любыя спадзяванні на добры ўраджай будуць дарэмнымі. Тое ж самае і ў дачыненні хвароб.

З якой актыўнасцю ў гаспадарках займаюцца доглядам пасеваў, ці дастаткова ў раёне неабходных для дадзеных мэт сродкаў аховы, а разам з тым, як засцерагчы грады ўласных падсобных надзелаў ад штогоднай пагрозы — фітафтарозу (праблема на дадзеную пару асабліва актуальная) — з гэтымі пытаннямі мы звярнуліся да галоўнага агранома Бабруйскай раённай інспекцыі па насенневодстве, каранціну і ахове раслін Г.М. Радчанкі.
— Галіна Мікалаеўна, якая дакладна работа па ахове раслін у арганізацыях раёна ўжо праведзена і што ў дадзеным накірунку прадпрымаецца менавіта на гэтым этапе?
— Практычна завершана хімічная праполка яравых зерневых і зернебабовых культур. Зараз вядзецца хімпраполка кукурузы, якую ў раёне выканалі на большай палове плошчаў. Правялі хімапрацоўку бульбы ад пустазелля. Што да цукровых буракоў, то іх праполку робім ужо па трэцім разе. І самае галоўнае — у нас вядуцца фунгіцыдныя апрацоўкі азімых і яравых зерневых супраць хвароб. На сёння завершана фунгіцыдная апрацоўка азімага рапсу. На яравым рапсе, на ўсёй яго плошчы, праведзена апрацоўка супраць шкоднікаў.
— Работа праводзіцца немалая, але ці дастаткова для гэтых мэт сродкаў аховы раслін у сельгасарганізацыях?
— Пакуль недастаткова. На сёння ў нас не хапае гербіцыдаў для апрацоўкі пасеваў кукурузы, для барацьбы з пустазеллем. Але пытанне на кантролі, спадзяемся, што ў бліжэйшыя дні гербіцыды ў раён паступяць, завязем іх з базы “Аграмашсервіса” г. Магілёва, а таксама ёсць дамоўленасць, што часткова прэпараты нам паставіць фірма ААТ “Франдэса”. Не дастае на гэты час таксама прэпаратаў для фунгіцыднай апрацоўкі ярыны, але і на іх пададзена заяўка, грошы на ядахімікаты пералічаны, чакаем, што ў хуткім часе пытанне вырашыцца станоўча.
— Напэўна можаце адзначыць гаспадаркі, дзе работа па ахове раслін наладжана лепш астатніх?
— Дастаткова актыўна вядуцца ахоўныя мерапрыемствы ў СВК “Гігант”, філіялах “Варатынь” ААТ “БЗТДіА” і “Харчавік-Агра” ААТ “Чырвоны харчавік”. У іх практычна завершаны хімпраполкі, цалкам апрацавана кукуруза. У “Харчавіку-Агра” чыста праполатыя цукровыя буракі. Між тым, дадзеная культура — адна з тых, што патрабуюць не адной, а ўсе тры хімічныя праполкі. Каб пустазелле не абыйшло культуру ў росце, вельмі важна пазбавіцца ад яго своечасова. Філіял “Харчавік-Агра” з гэтай задачай справіўся: апрацаваў буракі тройчы.
— Раней, як памятаю, апрацоўка цукровых буракоў выконвалася паляводамі ўручную пры дапамозе няхітрай прылады. І задзейнічаны ў гэтым працэсе былі літаральна ўсе вяскоўцы, дарослым дапамагалі дзеці. У асобных раёнах да праполкі прыцягваліся служачыя. Цяпер ці існуе такі змардаваны — ведаю не па чутках — спосаб пазбаўлення ад пустазелля?
— Не. Можа хіба толькі дзе іншым разам на невялічкіх надзелах у тры, пяць сотак, дзе вырошчваецца гародніна. А так усё цалкам апрацоўваецца механізавана з прымяненнем ядахімікатаў.
— І ў заключэнне, Галіна Мікалаеўна, хацелася б пачуць ад вас як спецыяліста слушныя парады для аматараў-агароднікаў адносна таго, як засцерагчы ў хатніх умовах грады з бульбай, з памідорамі ад фітафтарозу. Якія прэпараты для гэтага прымяняць і з якой перыядычнасцю выконваць апрацоўку?
— Сапраўды гэтым часам і тэмпература паветра, і вільготнасць садзейнічаюць заражэнню раслін фітафтарозам. Таму падчас змыкання бульбы ў радках варта абавязкова зрабіць прафілактычную апрацоўку яе супраць гэтай хваробы. Пажадана выкарыстаць сістэмныя прэпараты, да прыкладу, Акрабат МЦ, Рыдаміл Голд, і паўтараць дадзеную апрацоўку праз 7-10 дзён. А падчас з’яўлення на раслінах першых плям фітафтарозу неабходна апрацаваць іх кантактнымі прэпаратамі тыпу Пенкацэб, Райдэкс . Калі надвор’е дастаткова вільготнае, як у гэтае лета, такіх апрацовак павінна быць не меней 4-5 з перыядычнасцю ў 7 дзён. Такім спосабам варта засцерагаць ад фітафтарозу і бульбу, і таматы, бо яны адносяцца да аднаго сямейства.
— Дзякуй, Галіна Мікалаеўна, за размову і за карысныя парады для нашых чытачоў.

Размову вяла
Алена КАРПЕНКА.

Последние новости

Человек и природа

Ограничения на посещение лесов введены в 40 районах Беларуси

29 марта 2024
Общество

Все вопросы рассмотрены и решены положительно

29 марта 2024
В будущее вместе с нами

Работающая молодежь Бобруйщины соревновалась в бильярде

29 марта 2024
Общество

В Москве с 29 марта по 22 апреля пройдут Дни Могилевской области

29 марта 2024
Общество

Марина Василевская и Олег Новицкий на МКС провели сеанс связи с детьми

29 марта 2024
Человек и природа

Дожди с грозами и до +18°С обещают сегодня синоптики в Беларуси

29 марта 2024
Актуально

Молодежный актив района принял участие в интеллектуально-правовой игре «Модель Шанхайской организации сотрудничества (ШОС)»

28 марта 2024
Общество

Профсоюзные юристы ответили на интересующие вопросы

28 марта 2024
Происшествия и безопасность

29 марта в Бобруйском районе пройдет Единый день безопасности дорожного движения

28 марта 2024
Экономика

Экспорт некоторых промтоваров ограничили в Беларуси

28 марта 2024

Одноклассники

Районная газета «Трыбуна працы» основана 1 января 1982 года. Учредитель — Бобруйский районный исполнительный комитет. Подписной индекс издания 64092.
Главный редактор Ольга Геннадьевна ГРЕК.

Адрес редакции: г. Бобруйск, ул. Советская, 77-а, каб. 7 (здание районного Центра культуры).
Правила написания комментариев на сайте.
Е-mail редакции: pressa@tribunapracy.by.

Рекомендуем

Общество

В Бобруйском РОВД –– новое назначение   

22 марта 2024
Актуально

У раёне прайшлі “Засеўкі-2024”

26 марта 2024
Актуально

Поздравление от руководства Бобруйского района работникам сферы бытового обслуживания населения и жилищно-коммунального хозяйства

24 марта 2024
В будущее вместе с нами

В областном этапе конкурса «Я патриот своей страны» участвует школьница из Бобруйского района

20 марта 2024
Актуально

В Совет Республики выдвинули кандидата от Бобруйского района

19 марта 2024
Актуально

Веселые гуляния, концерт и блины: широкая Масленица прошла в Бобруйском районе

17 марта 2024
Происшествия и безопасность

29 марта в Бобруйском районе пройдет Единый день безопасности дорожного движения

28 марта 2024
Актуально

В Каменской школе соревновались юные инспекторы дорожного движения

16 марта 2024