З мэтай выяўлення, абагульнення і распаўсюджвання вопыту лепшых педагогаў раёна, павышэння прафесійнага майстэрства настаўнікаў, развіцця іх творчай ініцыятывы ў студзені сёлетняга года прайшоў другі (раённы) этап рэспубліканскага конкурсу прафесійнага майстэрства педагогаў “Настаўнік года Рэспублікі Беларусь”.

Сёлета, у адрозненне ад папярэдніх год, конкурс праводзіўся ў некалькіх намінацыях. На перамогу ў намінацыі “Фізіка і інфарматыка” прэтэндавалі 3 настаўнікі, “Замежная мова” — 2, “Фізічная культура і здароўе” — 3, “Гісторыя. Грамадазнаўства. Геаграфія. Хімія. Біялогія” — 4 настаўнікі. За права быць найлепшым выхавацелем дашкольнай адукацыі спаборнічала 7 педагагічных работнікаў.

Пераможцаў раённага этапу конкурсу журы вызначыла па выніках вывучэння іх вопыту ўласнай педагагічнай дзейнасці: відэазаняткаў і відэаўрокаў. Імі прызнаны ў намінацыях: “Фізіка і інфарматыка” — Т.В. Пузына, настаўнік інфарматыкі Глушанскага ВПК “Дзіцячы сад-СШ”, “Выхавацель дашкольнай адукацыі” — І.І. Кісялёва, выхавацель дашкольнай групы Осаўскага ВПК “Дзіцячы сад-СШ”.

У час, калі нумар рыхтаваўся да друку, стала вядома, што Т.В. Пузына, па выніках завочнага адборачнага туру, запрошана да ўдзелу ў фінале абласнога этапу рэспубліканскага конкурсу.

А. Карпенка