Дзмітрый Рафалёнак — прыклад сучаснай моладзі

Гадзіны ляцяць, растуць дзеці, сустракаюцца новыя людзі з іншымі поглядамі на жыццё, з незвычайнымі марамі і каштоўнасцямі. Верыце ці не, а мне вельмі цікава знаць, што ў сучаснай моладзі стаіць на першым месцы: сябры, грошы, сям’я, кар’ера ці нешта іншае? Даведацца аб гэтым цяжка, бо кожны чалавек думае па-свойму, а грэбсці пад адзін грабянец усіх — няправільна.

Дмитрий Рафаленок

Безумоўна, усе  людзі  мараць пра шчасце. Але для кожнага яно — нешта сваё. Я была рада сустрэць чалавека, для якога радасць — гэта не высокая зарплата ці паспяховая кар’ера, а неабходнасць у сваёй справе.

Выхадзец Бабруйскага раёна, Дзмітрый Рафалёнак, працуе вадзіцелем у Бабруйскім ТАА «Аграмашсервіс». Зараз вы можаце падумаць: «Ну а што тут асаблівага?». Адказаць на гэта будзе лягчэй, чым вы лічыце, бо чалавек уносіць вялікі ўклад у развіццё сельскай гаспадаркі. Ен ужо шосты сезон удзельнічае ва ўборачных работах і  праца  яго, між іншым, вельмі складаная і напружаная. Нягледзячы на свой невялікі працоўны стаж, хлопец не раз удастойваўся ўзнагарод і заахвочванняў за свае поспехі ў працы. А ўсё таму, што Дзмітрый добрасумленна і адказна адносіцца да сваёй справы. Гэта чалавек, якім можна ганарыцца і смела ставіць яго ў прыклад усім тым, хто заяўляе, што ўся моладзь сапсавана і думае толькі пра свае інтарэсы.

Дзед Дзімы, які калісьці таксама працаваў вадзіцелем у гэтай жа гаспадарцы, прывіў хлопчыку павагу да працы і любоў да роднай зямлі. Напэўна таму ён аддаў сябе гэтай справе. Дзякуючы старанням дзядулі, Дзмітрый добра ладзіць з тэхнікай і не адстае ад больш вопытных таварышаў.

Ужо не першы год запар ён — у ліку лепшых працаўнікоў сельскай вытворчасці. За час прыбіральнай кампаніі цяперашняга года, напрыклад, Дзіма выйшаў  у раённым спаборніцтве на другое месца сярод вадзіцелей раёна. Ен перавёз аж 4179 т збожжа!

Акрамя гэтага Дзмітрый цягнецца да ведаў, імкнецца ўдасканальваць сябе. Развіццё — гэта менавіта тое, што неабходна кожнаму з нас. Спасцігаючы штосьці новае ці проста развіваючы тыя навыкі, якія ўжо ў нас ёсць, мы забяспечваем лепшы ўзровень жыцця не толькі для сябе, але і для іншых людзей сваёй роднай краіны. Хлопец ужо скончыў Бабруйскі аўтатэхнікум, дзе вучыўся на факультэце «Тэхнічнае абслугоўванне аўтамабіляў», а цяпер вучыцца на апошнім курсе БАТУ і хутка стане  дыпламаваным інжынерам-механікам.

Дзмітрый верыць, што выбраў верную дарогу, якая дазваляе яму ўносіць вялікі ўклад у гаспадарку нашага раёна. А я згаджаюся з тым, што не перавялася яшчэ такая моладзь, здольная павесці за сабой народ, укласці ўсю сваю душу ў агульную справу і зрабіць усё для таго, каб намаганні не заставаліся дарэмнымі.

 Алена МЯДЗВЕДЗЕВА,

юнкар гуртка “Узлёт”.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.