У гаспадарках працягваюць сеяць яравыя культуры, прычым, сяўба непасрэдна зерневых і зернебабовых у раёне практычна завершана. Застаецца пасеяць адналетнікі на корм жывёле.

Завяршаецца сяўба цукровых буракоў. 15 гектараў у СВК “Калгас імя Дзяржынскага” сёння-заўтра будуць пасеяны. Адначасова пачынаецца сяўба кармавых караняплодаў.

Што да бульбы, то яе пасадка ў раёне набліжаецца да сярэдзіны. У СВК “Гігант” з запланаваных 550 га пасаджана 300.

Акрамя таго, усе гаспадаркі на гэты час прыступілі да сяўбы кукурузы на зерне і сілас, пасеяна болей 1000 га.

Працягваецца сяўба гародніны. На ўчарашні дзень ёю было засеяна 139 га, з якіх 13 га — капустай, 8 — сталовымі буракамі, 3 — морквай, 15 — цыбуляй і 100 га — гароднінным гарошкам.

Пад сяўбу ярыны ў гаспадарках працягваюць рыхтаваць глебу.

Вядзецца таксама і падсейванне мнагалетнікаў. Прычым, бабовыя травы практычна падсеяны, засталіся злакавыя. Адначасова падсейваюцца пашавыя сумясі, паляпшаюцца сенакосы.

Алена КАРПЕНКА.