У абласным цэнтры творчасці ў рамках міжнароднай праграмы “Магілёў — культурная сталіца” прайшоў традыцыйны абласны агляд-конкурс тэатральнай творчасці “Мнагалікі тэатр-2013” , у якім прынялі ўдзел навучэнцы і педагогі тэатральных аб’яднанняў устаноў дадатковай адукацыі.

Мэтай конкурсу з’яўлялася развіццё творчага патэнцыялу навучэнцаў, фарміраванне сацыяльна-актыўнай, гарманічнай асобы праз далучэнне падрастаючага пакалення да культуры тэатральнай творчасці, папулярызацыя тэатральнага мастацтва.

Наш раён на конкурсе прадставіў тэатральны калектыў Туголіцкай СШ (кіраўнік: педагог дадатковай адукацыі  В.П. Пруднікава). На суд журы была прадстаўлена вершаваная п’еса “Сустрэнем цуды” па матывах народнай казкі.

Па выніках конкурсу тэатральны калектыў удастоены дыплома ў намінацыі “За арыгінальнае выкананне ўзроставых роляў”. Аляксей Макаранка, які выконваў у пастаноўцы галоўную ролю Ямелі, узнагароджаны дыпломам у намінацыі “Лепшая мужчынская роля 1-га плану”.

Алена КАРПЕНКА.