Падведзены вынікі абласнога этапу 2-га Рэспубліканскага агляду-конкурсу дзіцячай творчасці “Добры дзень, свет!”, мэтай якога з’яўляецца папулярызацыя дзіцячай мастацкай творчасці, павышэнне выканаўчага майстэрства, пошук і выяўленне таленавітых дзяцей і падлеткаў, стварэнне ўмоў для росту асобы і сацыяльнай адаптацыі падрастаючага пакалення.

Нашаму раёну абласны этап конкурсу прынёс чатыры перамогі ў розных намінацыях. У прыватнасці, работа 16-гадовай навучэнкі Гарбацэвіцкай сярэдняй школы Марыны Сычовай “Світанак над Гарбацэвічамі” у намінацыі “Выяўленчае мастацтва” (педагог В. Цыбульская) адзначана Дыпломам упраўлення адукацыі Магілёўскага аблвыканкама 1-й ступені.

 Работа 9-гадовай вучаніцы Гарохаўскага ВПК “Дзіцячы сад-СШ” Аліны Роскач “Беларусачка” у намінацыі “Дэкаратыўна-прыкладная творчасць” (педагог А. Каранец) узнагароджана Дыпломам 2-й ступені. Дыпломамі 3-й ступені адзначаны работа 16-гадовай Яны Мамонінай з Глушанскага ВПК “Дзіцячы сад-СШ” “Сон” у намінацыі “Выяўленчае мастацтва” (педагог А. Кісляк) і ансамбль “Весялушкі” Туркоўскай СШ з песняй “А чалом, чалом” у намінацыі “Харавыя спевы” (кіраўнік В. Васіленка).

Дарэчы, работа Марыны Сычовай гэтым часам прымае ўдзел у заключным,  рэспубліканскім, этапе конкурсу.

Віншуем пераможцаў і жадаем далейшых поспехаў на ніве творчасці. 

Алена КАРПЕНКА.