Не толькі колькасць, але і якасць

Каб зімовыя рацыёны жывёлы адпавядалі тэхналагічным патрабаванням, мець дастатковую колькасць травянога корму мала. Трэба, каб ён яшчэ быў якасным. З улікам таго, што апошняе магчыма дзякуючы строгаму выкананню тэхналагічных працэсаў нарыхтоўкі, усе  яны ажыццяўляюцца пад наглядам кантралюючых службаў.

Як адзначыла вядучы ветурач біяхімік-таксіколаг Дзяржаўнай міжраённай ветэрынарнай лабараторыі Г.А. Бондарава, з гэтай мэтай спецыялісты ўстановы  амаль штодня наведваюцца ў сельгасарганізацыі.

Нараканняў, пакуль надвор’е стаяла сонечным, амаль не было. Калі былі, то зусім нязначныя. Сянажная маса ва ўсіх гаспадарках цалкам адпавядала патрабаванням. З-за дажджоў, павышанай вільготнасці травы, у асобных сельгасарганізацыях пераключыліся на нарыхтоўку сіласу: у зялёную масу пачалі ўносіць неабходныя кансерванты. Хоць гэтая пара, па словах Г.А. Бондаравай, традыцыйна найбольш спрыяльная менавіта для нарыхтоўкі сенажу.  На ўсе заўвагі кантралючых службаў у сельгасарганізацыях рэагуюць неадкладна. У якасным корме зацікаўлены ўсе: ад кіраўнікоў да работнікаў, якія непасрэдна ажыццяўляюць працэсы нарыхтоўкі.

Застаецца спадзявацца, што надвор’е ў хуткім часе ўсталюецца, і нарыхтоўка травянога корму, у прыватнасці, сенажу, актывізуецца.    

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.