У раёне пачалі садзіць бульбу

На гэтым тыдні, як паведамілі ва ўпраўленні сельскай гаспадаркі і харчавання райвыканкама, гаспадаркі прыступілі да пасадкі “другога хлеба” беларусаў.

Першымі да гэтага віду работ прыступілі ў БТАА “Амега-Люкс” і СВК “Гігант”. На раніцу ўчарашняга культура была пасаджана на плошчы 22 гектары, з іх у “Гіганце” — 20 га, у БТАА “Амега-люкс” — 2, а ўсяго сёлета бульбай плануюць засадзіць каля 1 тысячы гектараў. Найбольшыя плошчы (болей 500 га) пад культуру будуць заняты ў СВК “Гігант”, 120 гектараў збіраюцца пасадзіць у БТАА “Амега-Люкс”, па 100 га — у ААТ “Агракамбінат “Бабруйскі” і СВК “Калгас імя А. Неўскага”, 60 — у ААТ “Саўгас Кісялевічы” і па 50 га — у СВК “Калгас імя Дзяржынскага” і Бабруйскім ААТ “Аграмашсервіс”. 

Адначасова ў гаспадарках працягваюць сяўбу зерневых і зернебабовых культур. На ўчарашні дзень у цэлым па раёне ранняя ярына была пасеяна на плошчы 3500 га, што склала 54 працэнты ад плану. Таксама вядзецца другая падкормка азімага рапсу і азімых зерневых культур. 

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.