У школьнікаў — канікулы

З мінулай суботы ў школьнікаў пачаліся асеннія канікулы, якія будуць доўжыцца да канца тыдня. Але гэта зусім не значыць, што на гэты час вучні раённых устаноў адукацыі цалкам развіталіся са школай. Для іх, як паведаміла метадыст па выхаваўчай рабоце аддзела адукацыі райвыканкама Алена Лісіца, запланаваны цэлы комплекс цікавых пазнаваўчых і выхаваўчых мерапрыемстваў.

У васьмі ўстановах адукацыі функцыянуюць лагеры з дзённым знаходжаннем. Дзеці прымаюць удзел у экскурсіях, некаторыя школьнікі наведваюць тэатр. Згодна графіку працуюць гурткі і секцыі. 29 кастрычніка на базе Брожскай школы прайшоў дзень пазашкольнай установы. У апошні дзень месяца вучні прынялі ўдзел у раённых спаборніцтвах па шашках. Таксама  ў кожнай установе адукацыі на час канікулаў распрацаваны свае планы работы.

Як і на працягу ўсяго года асаблівая ўвага падчас канікулаў удзяляецца дзецям, якія састаяць на ўліку ў інспекцыі па справах непаўналетніх, знаходзяцца ў сацыяльна-небяспечным становішчы. Старшакласнікі гэтай катэгорыі задзейнічаны ў гуртках па інтарэсах і секцыях, малодшыя школьнікі адпачываюць у лагерах з дзённым знаходжаннем.

Дарэчы, не застаюцца без увагі і тыя з дзяцей, хто выказаў жаданне падчас канікулаў падняць узровень ведаў па тым ці іншым прадмеце, з імі праводзяцца заняткі.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.