Лепшыя красмэны — у Цялушы
Першымі раённымі спаборніцтвамі школьнікаў у навучальным годзе па традыцыі з’яўляецца асенні легкаатлетычны крос. Сёлета ён прайшоў у Бабруйскім гарадскім парку культуры і адпачынку.
Першынства ў розных узроставых групах на дыстанцыі ад 500 да 2000 м аспрэчвалі 72 юнакі і 69 дзяўчат раёна. Сярод каманд па-за канкурэнцыяй былі юныя красмэны Цялушскай школы (настаўнік фізкультуры А. Гацко). А вось трэцяга прызёра ад другога аддзяліла ўсяго адно ачко. У напружанай барацьбе другімі сталі легкаатлеты Бортнікаўскай школы, трэцімі — Варатынскай.
У асабістым першынстве ў пераможцы выйшлі: у дзяўчат Кацярына Вавула, Юлія Фархутдзінава, Наталля Вавула, Марына Цялюк, Любоў Вавула, Таццяна Шынкаронак — з Цялушскай школы і Надзея Парахневіч — з Варатынскай. Сярод юнакоў лепшымі сталі Мікіта Юшкевіч і Віктар Жмураў з Міхалёўскай школы, Мікалай Рудзько — з Гарохаўскай, Артур Станчык — з Брожскай, Уладзіслаў Ажгірэвіч — з Глушанскай, Ілья Несцераў — з Варатынскай і Арцём Шчарбакоў — з Каменскай школы.
Алена КАРПЕНКА.