Сена на падворак — гара з плеч

Кожны, хто меў або мае дачыненне да вёскі, ведае, што гаспадар, які трымае на ўласным падворку рагулю, пакуль не загатуе пад поўную патрэбу сена, супакою мець не будзе. І калі раней пасля атрымання квітка з нумарам сенакосу чалавек заставаўся са сваімі турботамі, у большасці, сам на сам, то цяпер падтрымка і развіццё ўласных падсобных гаспадарак — кантралюецца на дзяржаўным узроўні і з’яўляецца адным з важнейшых накірункаў дзейнасці сельскіх выканкамаў. 

У нашым раёне сёлета, як, дарэчы, і ў мінулыя гады, па словах старшыні раённага Савета дэпутатаў Леаніда Баркоўскага, без травяністага корму на зімоўку не застанецца ніводная рагуля. З-за даджлівага надвор’я пытанне цалкам яшчэ не закрыта, аднак да гэтага ўжо ідзе справа. З першага ўкосу выдзелілі сена ўласнікам у філіяле “Харчаік-Агра” ААТ “Чырвоны харчавік”. СВК “Гігант” усіх, хто меў патрэбу, таксама забяспечыў. Актыўна гэтым часам вядуцца работы на тэрыторыі Хімоўскага (“Бабруйскае ААТ “Аграмашсервіс”) і Кавалёўскага (СВК “Калгас імя А. Неўскага”) сельсаветаў. Працягваюцца — у ААТ “Агракамбінат “Бабруйскі” і іншых.  

На ўласныя падворкі сена, у асноўным, падвозіцца спрэсаваным у цюкі. У некаторых гаспадарках выдзяляліся надзелы, на якіх сена жыхары нарыхтоўвалі самастойна.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.