Запас бяды не чыніць
Жніво збожжавых і зернебабовых культур — бадай, галоўны вытворчы экзамен для працаўнікоў сяла. Але разам з работамі на хлебнай ніве, дзе ў гэтыя дні сканцэнтраваны асноўныя сілы механізатараў і тэхнікі, у гаспадарках працягваецца таксама і нарыхтоўка кармоў для жывёлы на будучы стойлавы перыяд. Недарма ж у народзе кажуць, што запас бяды не чыніць. Чым надзейней ён будзе, тым больш гарантыі, што пагалоўе зімой будзе ў дастатку забяспечана фуражом.
З улікам другога ўкосу траў, які праведзены амаль на 70 працэнтах займаемай імі плошчы, у сельгасарганізацыях ужо назапашана 8050 тон сена — больш палавіны ад задання. За мінулы час закладзена таксама ў траншэі на фермах больш за 74 тысячы тон сенажу, што складае 106 працэнтаў ад задання, а таксама каля 44250 тон сіласу — амаль 30 працэнтаў ад устаноўленага плана. Усё гэта ў разліку на ўмоўную галаву жывёлы складае ў сярэднім па раёне 14 цэнтнераў кармавых адзінак.
Добрыя запасы фуражу створаны ў СВК “Калгас імя Дзяржынскага”, філіяле “Варатынь” РУП “Бабруйскі завод ТДіА”, сельгасаддзяленні Бабруйскага ААТ “Аграмашсервіс”, у ААТ “Агракамбінат “Бабруйскі” і некаторых іншых гаспадарках.
Міхаіл ВЕРАСОЎСКІ.