Дзе самы важкі колас?

Зразумела, падводзіць канчатковыя вынікі па ўраджайнасці яшчэ рана. Таму што ў камбайнераў раёна застаецца шмат работы на хлебнай ніве. Па стану на ўчарашні дзень яны абмалацілі збожжавыя на плошчы амаль 3050 гектараў, што склала каля 20 працэнтаў ад задання. Аднак некаторыя паказчыкі, якія падказваюць, дзе самы важкі колас, варта прывесці.

Дык вось, больш за ўсіх збіраюць зерня ў сярэднім з гектара пакуль хлебаробы СВК “Гігант”. Тут гэты паказчык складае ў сярэднім на круг больш за 72 цэнтнеры. Камбайнераў гэтай гаспадаркі асабліва радуе добрым намалотам пшаніца. На другім месцы па ўраджайнасці ідзе філіял “Варатынь” РУП “Бабруйскі завод ТДіА”, дзе ў сярэднім з гектара атрымліваюць па 55 цэнтнераў зерня. Ну і на трэцім месцы пакуль ідзе СВК “Калгас імя А. Неўскага”. Тут выхад збожжа ў сярэднім на круг складае амаль 52 цэнтнеры. У цэлым жа па раёне ўраджайнасць збожжавых і зернебабовых у сярэднім складае каля 36 цэнтнераў з гектара.

Цяпер самае галоўнае — усё вырашчанае акуратна ўбраць. Тады абавязкова будзем з важкім хлебным караваем!

Міхаіл ВЕРАСОЎСКІ.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.