Працаваў міжведамасны савет
У панядзелак на гэтым тыдні ў актавай зале раённага выканаўчага камітэта пад старшынствам намесніка старшыні райвыканкама Святланы Носавай прайшло пасяджэнне міжведамаснага савета па каардынацыі дзейнасці па фарміраванні здаровага ладу жыцця.
Галоўнай тэмай пасяджэння савета стала абмеркаванне пытанняў прафілактыкі п’янства і алкагалізма сярод грамадзян. З дакладам аб тым, якая работа ў гэтым накірунку была праведзена ў раёне ў мінулым годзе і 1-ым квартале сёлетняга, далажыла начальнік аддзела па ідэалагічнай рабоце райвыканкама Галіна Чарнова. Другім, не менш значным, пытаннем, якому была ўдзелена ўвага на пасяджэнні, стала абмеркаванне Дзяржаўнай праграмы прафілактыкі ВІЧ-інфекцыі на 2006-2010 гады ў Бабруйскім раёне. З рэалізацыяй праграмы пазнаёміла ўрач-эпідэміёлаг Бабруйскага занальнага Цэнтра гігіены і эпідэміялогіі Ларыса Касперовіч. Не ў баку ад праблем грамадства знаходзіцца і сучасная царква. Аб выкананні праграмы супрацоўніцтва Міністэрства аховы здароўя Рэспублікі Беларусь і цэркваў, якія знаходзяцца на тэрыторыі нашага раёна, у вобласці аховы здароўя насельніцтва, распавёў настаяцель храма Срэцення Гасподня Бабруйскай Епархіі айцец Іаан (Каляда).
Усе слушныя прапановы, якія былі выказаны членамі каардынацыйнага савета, знайшлі сваё адлюстраванне ў прынятым па яго выніках рашэнні для далейшай іх рэалізацыі.
Алена КАРПЕНКА.