У чацвер на гэтым тыдні ў райвыканкаме прайшла нарада для начальнікаў аздараўленчых лагераў, выхавацеляў, педагогаў-арганізатараў, падчас якой адбылося абмеркаванне арганізацыі летняй аздараўленчай кампаніі “Лета-2011”.

Удзел у нарадзе прынялі прадстаўнікі зацікаўленых службаў: галоўны спецыяліст Рэспубліканскага цэнтра па аздараўленні і санаторна-курортным лячэнні насельніцтва раёна Алена Лебедзева, метадыст РВМК Алена Лісіца, урач аддзялення гігіены дзяцей і падлеткаў БЗ ЦГіЭ Вольга Бялянка, інжынер па ахове працы аддзела адукацыі Уладзіслава Лапей, старшы памочнік пракурора раёна Марыя Сенькавец, начальнік ІСН Бабруйскага РАУС Аляксандр Буйко. Мэтай мерапрыемства было вызначэнне асноўных аспектаў удасканалення дзейнасці па арганізацыі летняй аздараўленчай кампаніі. Былі пастаўлены задачы: садзейнічаць стварэнню бяспечных умоў аздараўлення дзяцей і аховы працы на працоўных месцах, прымаць дзейсныя меры па стварэнні бяспечных умоў падчас арганізацыі харчавання, прадугледзець мерапрыемствы, накіраваныя на прафілактыку  злачынстваў і правапарушэнняў. 

Алена КАРПЕНКА.