Парушэнняў не выяўлена

Аддзел эканомікі райвыканкама, як адзначыла намеснік старшыні раённага выканаўчага камітэта Тамара Рудая, працягвае вывучаць сітуацыю з ростам цэн на тавары ў гандлёвых кропках раёна.

Падчас маніторынгу ўстаноўлена, што рознічныя цэны на сацыяльна-значныя тавары, пералік якіх зацверджаны пастановай Савета Міністраў Рэспублікі Беларусь ад 14 красавіка 2011 года № 495 згодна з Указам Прэзідэнта ад 25 лютага сёлетняга года № 72 “Аб некаторых пытаннях рэгулявання цэн (тарыфаў) у Рэспубліцы Беларусь” (14 пазіцый: хлеб, мяса (ялавічына, свініна), малако, сухія малочныя сумесі і мясныя кансервы для дзіцячага харчавання, мука, крупы (рыс, проса, грэчка, манка), макаронныя вырабы, мяса птушкі, масла сметанковае, алей, гароднінныя, фруктова-ягадныя, пладова-агароднінныя кансервы і сокі для дзіцячага харчавання), фарміруюцца згодна з заканадаўствам. Парушэнняў па фарміраванні рознічных адпускных цэн на дадзеныя групы тавараў не выяўлена. Найбольшы тэмп росту рознічных цэн у параўнанні са студзенем сёлетняга года назіраецца на імпартныя тавары (крупы — ад 40 да 230 працэнтаў, рыба — ад 38 да 45, апельсіны — 51,8, бананы — 54,1 працэнта), што абумоўлена значным ростам адпускных цэн на аптовых базах). На гэты час у гандлёвых аб’ектах, як райспажыўтаварыства, так і малога і сярэдняга прадпрымальніцтва, ажыццяўляюцца штодзённыя пастаўкі тавараў з улікам спажывецкага попыту насельніцтва.

Намеснік старшыні яшчэ раз давяла да кіраўнікоў суб’ектаў гаспадарання даручэнне губернатара вобласці Пятра Рудніка аб своечасовай і ў поўным аб’ёме выплаты заработнай платы за красавік і падкрэсліла, што апошнім днём выплаты павінна стаць 24 мая. 

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.