Падведзены вынікі абласнога этапу рэспубліканскага конкурсу навукова-даследчых работ школьнікаў па гуманітарных, натуральных, тэхнічных навуках.

Ад нашага раёна на конкурс было прадстаўлена 8 работ з 6-ці агульнаадукацыйных устаноў: Гарбацэвіцкай, Варатынскай, Каменскай, Туркоўскай САШ, а таксама Міхалёўскага і Осаўскага ВПК “Дзіцячы сад-АСШ”. Усяго ўдзел у конкурсе прынялі 9 навучэнцаў.

Па выніках правядзення конкурсу адзначана якасная работа па арганізацыі навукова-даследчай дзейнасці навучэнцаў Бабруйскага раёна, а таксама высокі ўзровень работы Варатынскай САШ.

Сярод работ высокіх адзнак удастоена работа  Дзмітрыя Мурленкі з Варатынскай школы (Дыплом 1-й ступені, навуковы кіраўнік В.А. Счасновіч); Кацярыны Казіміровіч з Туркоўскай школы (Дыплом 3-й ступені, навуковы кіраўнік В.І. Шунько). Пахвальнымі граматамі ўзнагароджаны Алена Якавенка з Каменскай САШ (навуковы кіраўнік А.І. Шарко), а таксама Яна Чэркас і Анастасія Юшкевіч — з Міхалёўскага ВПК “Дзіцячы сад-АСШ” (навуковы кіраўнік Т.В. Кандрацьева).  

Алена КАРПЕНКА.