Чысціню і парадак — на кожную вуліцу

Менавіта з пытанняў навядзення парадку і чысціні ў населеных пунктах і на дарогах пачалася ў гэты панядзелак планёрка ў райвыканкаме, якую правёў кіраўнік раёна Міхаіл Шалкоўскі. Старшыня райвыканкама засяродзіў увагу дарожных службаў і старшынь сельсаветаў на неабходнасці актывізаваць звязаныя з навядзеннем чысціні работы. Што да падворкаў грамадзян, калядваровых тэрыторый, якія ў асобных гаспадароў далёкія ад ідэальнага, то з боку санітарнай і экалагічнай службаў, па словах кіраўніка раёна, кантроль за выкананнем выдадзеных папярэдне прадпісанняў павінен быць больш жорсткім. Тыя, хто атрымаў прадпісанне добраўпарадкаваць тэрыторыю, па скасаванні адведзеных на гэтыя мэты тэрмінаў у абавязковым парадку павінны быць правераны яшчэ раз. Каб ахапіць праверкамі большую колькасць населеных пунктаў, было рэкамендавана падключыць да гэтага і рабочую групу па добраўпарадкаванні райвыканкама. Дарэчы, як адзначыў начальнік аддзела архітэктуры і будаўніцтва Віктар Кондрат, шэраг населеных пунктаў (больш за 500 домаўладанняў) рабочай групай ужо абследаваны, жыхарам выдадзена больш за 100 прадпісанняў. Побач з іншым на планёрцы было ўказана навесці парадак і чысціню таксама і на малочна-таварных фермах, асобныя з якіх гэтым пакуль не вызначаюцца.           

У сувязі з тым, што набліжаецца свята Раданіца, асаблівую ўвагу кіраўнік раёна рэкамендаваў звярнуць на прывядзенне ў парадак грамадзянскіх могілак, пад’ездаў да іх, стан агароджы. Як адзначыў старшыня раённага Савета дэпутатаў Леанід Баркоўскі, работа ў гэтым накірунку праводзіцца ў кожным сельскім савеце, і не малая. У прыватнасці, на могілкі ў Бярэзавічах аднаго пяску завезена 60 тон. Пры гэтым старшыня райсавета дэпутатаў выказаў занепакоенасць тым фактам, што работа ЖКГ па ачыстцы ад смецця і бытавых рэшткаў кантэйнерных пляцовак апошнім часам пагоршылася, што адмоўна ўплывае на агульны выгляд тэрыторый. У сувязі з гэтым камунальшчыкам рэкамендавана пераглядзець графікі вывазу смецця, наблізіць іх да патрэб грамадзян. На ўборцы могілак будзе задзейнічана тэхніка дарожных арганізацый, УКП “Жылкамунгас” і сельгасарганізацый. Леанід Баркоўскі завастрыў увагу і на праблеме навядзення парадку і чысціні на тэрыторыях садова-агародных таварыстваў з-за адсутнасці ў асобных старшыняў. Пры гэтым адзначыў, што і вырашэннем гэтай праблемы сельскія і пасялковы саветы займаюцца. 

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.