Занялі трэцяе месца ў вобласці

Аддзел адукацыі Бабруйскага райвыканкама па выніках дзейнасці за 2010 год сярод аддзелаў адукацыі раённых выканаўчых камітэтаў вобласці заняў 3-е месца, уступіўшы Круглянскаму (2-е месца) і Бялыніцкаму (1-е) аддзелам адукацыі.

Спаборнічаць нашаму раёну давялося з 12 раёнамі вобласці, дзе колькасць жыхароў не перавышае 25 тысяч. Дзейнасць аддзелаў адукацыі вывучалася ўсебакова, таму і крытэрыяў ацэнкі было шмат. Гэта і арганізацыя вучэбна-выхаваўчага працэсу, і ўмацаванне матэрыяльнай базы, і ўдзел у алімпіядным руху, і іншыя. Дарэчы, высокай адзнакі, таксама 3-га месца, Бабруйскі аддзел адукацыі быў удастоены па выніках дзейнасці за 2008 і 2006 гады.

— Нашаму раёну, — адзначае начальнік райаддзела адукацыі Ф.М. Багдановіч, — спаборнічаць нялёгка: у сваёй падгрупе Бабруйскі раён адзіны, дзе няма гарадскіх навучальных устаноў і гімназій. Узяць хоць бы Круглянскі раён: колькасць насельніцтва меншая, але ёсць і гарадскія школы, і гімназія. А там, як правіла, узровень падрыхтаванасці школьнікаў вышэйшы. Між тым, мы прыкладваем усе намаганні для таго, каб не толькі ўтрымліваць пазіцыю, але і рухацца наперад.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.