Пашпарты — юным грамадзянам
На гэтым тыдні, як адзначыла на планёрцы намеснік старшыні райвыканкама Святлана Носава, самым дастойным грамадзянам раёна, чый узрост на гэты час дасягнуў 16 год, ва ўрачыстых абставінах будуць уручаны пашпарты грамадзяніна Рэспублікі Беларусь. Мерапрыемства прымеркавана да Дня Канстытуцыі Рэспублікі Беларусь і праводзіцца ў межах акцыі “Я грамадзянін Рэспублікі Беларусь”.
Разам з тым, па словах Святланы Носавай, на гэты тыдзень запланавана правядзенне пашыранага пасяджэння з удзелам зацікаўленых службаў па пытаннях забеспячэння бяспекі моладзі на дыскатэках, пасяджэння камісіі па справах непаўналетніх райвыканкама, спартакіяды сярод аграгарадкоў раёна ў Вялікіх Бортніках і дня інфармавання насельніцтва.
Намеснік старшыні нагадала таксама аб неабходнасці працягнуць падпіску на рэспубліканскія, абласныя перыядычныя выданні, а таксама раённую газету “Трыбуна працы” на 2-гі квартал бягучага года. Аформіць падпіску неабходна да 25 сакавіка.
Алена КАРПЕНКА.