Матуль і бабуль віншавалі паўсямесна

Мерапрыемствы, прысвечаныя святу жанчын 8 Сакавіка — першаму веснавому святу, традыцыйна прайшлі ў  клубных установах раёна. Падчас іх у адрас матуль, бабуль, каханых гучалі напоўненыя любоўю, цеплынёй і павагай вершаваныя радкі і песні, дэманстраваліся сцэнкі і танцы, прычым, формы мерапрыемстваў былі самымі рознымі.

Да прыкладу, у Гарбацэвіцкім Доме культуры гэта была канцэртная праграма пад назвай “Святочны веснавы букет”. У Гарохаўскім СДК мясцовых жанчын сабраў святочны агеньчык “Дарыце жанчынам кветкі”. У аграгарадку Міхалёва мерапрыемства насіла назву “Жыць імем тваім”. Для кавалёўскіх жанчын у Доме культуры 6-га сакавіка быў наладжаны канцэрт, а 8-га — святочнае шоу “Дзяўчаты-прыгажуні”. У Глушы свята адзначылі не зусім традыцыйна: міні-канцэрт, прысвечаны самым пяшчотным і любым матулям “Зазірніце ў матуліны вочы”, адбыўся ў дзень свята  на вуліцы Кастрычніцкай.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.