Цялушскія спартсмены не падвялі

На базе Глушанскай і Хімоўскай школ прайшлі раённыя спаборніцтвы па зімнім мнагабор’і “Здароўе” дзяржаўнага фізкультурна-аздараўленчага комплексу Рэспублікі Беларусь сярод навучэнцаў агульнаадукацыйных школ раёна.

Па 7 юнакоў і 7 дзяўчат з кожнай школы спаборнічалі ў падцягванні на перакладзіне (юнакі), згібанні і разгібанні рук ва ўпоры лежачы ад падлогі (дзяўчаты), стральбе з пнеўматычнай вінтоўкі, скачках у даўжыню з месца і лыжных гонках ад 1-го да 3-х кіламетраў, у залежнасці ад узросту. У выніку са значнай перавагай у пераможцы выйшлі навучэнцы Цялушскага ВПК “Дзіцячы сад-АСШ” (настаўнік А.І. Гацко).

Напрацягу двух дзён, 31 студзеня і 1 лютага, цялушскія школьнікі як пераможцы раённых спаборніцтваў адстойвалі гонар раёна на аналагічных абласных і занялі 2-е агульнакаманднае месца. У склад каманды ўваходзілі Таццяна Шынкаронак, Таццяна Лаўрэнцьева, Святлана Манько, Вераніка Паслядовіч, Юлія Фархутдзінава, Марына Цялюк, Ірына Заікіна, Павел Аўрамчык, Аляксандр Крычко, Сяргей Аўрамчык, Сяргей Крычко, Аляксандр Дудаль, а таксама браты Сяргей і Віталь Сікорскія.

Вячаслаў Давідовіч, дырэктар ДЮСШ.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.