Віншуем пераможцаў
З 10 па 14 студзеня на базе Магілёўскага дзяржаўнага абласнога інстытута развіцця адукацыі праходзіў трэці этап рэспубліканскай алімпіяды па беларускай мове і літаратуры і па матэматыцы.
Бабруйскі раён на алімпіядзе па беларускай мове і літаратуры прадстаўлялі вучаніца 9 класа Брожскай сярэдняй школы Анжаліка Сцепанян (настаўнік Н.У. Вярбіцкая) і вучаніца 11 класа Глушанскага ВПК «Дзіцячы сад-САШ» Вольга Паддубная (настаўнік Т.Ф. Петухова). Прыемна адзначыць, што вучні прадэманстравалі глыбокія веды, за што і атрымалі ўзнагароды: Вольга Паддубная — Дыплом 3-й ступені, Анжаліка Сцепанян — грамату за ўдзел у алімпіядзе.
Трэба адзначыць, што Наталля Вярбіцкая штогод рыхтуе вучняў для ўдзелу ў алімпіядзе, і штогод яны радуюць сваімі ўзнагародамі. У адпаведнасці з распараджэннем Прэзідэнта Рэспублікі Беларусь ад 27 снежня 2010 года, рашэннем савета спецыяльнага фонду Прэзідэнта Рэспублікі Беларусь па сацыяльнай падтрымцы адораных вучняў і студэнтаў, Наталля Уладзіміраўна атрымала прэмію за вялікі ўклад у развіццё здольнасцей адораных вучняў па выніках 2009/2010 навучальнага года.
Вучні раёна праявілі сябе таксама і ў алімпіядзе па матэматыцы: грамату за выніковы ўдзел атрымала вучаніца 10 класа Міхалёўскага ВПК Яна Чэркас (настаўнік Г.У. Сакульская).
Віншуем пераможцаў і жадаем поспехаў!
Алеся СТЭЛЬМАК,
метадыст раённага вучэбна-метадычнага кабінета Бабруйскага аддзела адукацыі.