Народныя традыцыі

Па даўно заведзенай традыцыі работнікі Пятровічскага сельскага клуба-бібліятэкі разам з удзельнікамі мастацкай самадзейнасці кожны год спраўляюць Калядкі. Загадзя пачынаюць рыхтавацца да іх, падбіраючы касцюмы і неабходныя атрыбуты, а таксама развучваючы новыя песні і пажадані для тых, да каго завітаюць у хату. Таму і праходзяць Калядкі заўсёды весела, цікава, несучы добры настрой людзям. Не стаў выключэннем і вечар 13 студзеня гэтага года.

“Добры вечар у хату!”, — з такімі словамі ўваходзілі ў дамы жыхароў вёсак Мартынаўка, Мачулкі і Пятровічы ўдзельнікі абрадавага шэсця. Па народнай традыцыі яны славілі гаспадароў, іх дзяцей песнямі і вершамі, жадаючы ім дабра, здароўя і дастатку.

Нашы ціхія вёсачкі ў гэты вечар проста ажылі, ў іх загучалі задорныя вясёлыя песні і музыка, што так прыйшліся да спадобы ўсім жыхарам. Калядоўшчыкі падарылі ў гэты зімовы вечар вяскоўцам сапраўднае свята, за што тыя засталіся ім вельмі ўдзячныя.

Святлана КОРЗУН,

жыхарка вёскі Пятровічы.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.