Каштоўныя кнігі — у дар бібліятэцы

Старшыня Бабруйскага раённага выканаўчага камітэта Міхаіл Шалкоўскі перадаў раённай бібліятэцы ўласнае 2-томнае выданне пад назвай “Беларусь созидающая”, выдадзенае да 4-га Усебеларускага народнага сходу і ўручанае кожнаму з удзельнікаў высокага форуму.

Кнігі аформлены ў выглядзе фотаальбомаў. У іх увайшлі фотаздымкі з адлюстраваннем дасягненняў Рэспублікі Беларусь у кожнай галіне народнай гаспадаркі за апошнія 15 год. Подпісы да фотаздымкаў зроблены на 2-х мовах: рускай і англійскай. Перадаючы бібліятэцы такі каштоўны падарунак, кіраўнік раёна агучыў і мэту — каб з дасягненнямі краіны мог пазнаёміцца кожны з жыхароў раёна.

Гэтым часам выданне, па словах дырэктара цэнтралізаванай бібліятэчнай сістэмы раёна Любові Схаба,  знаходзіцца ў чытальнай зале і, без сумнення, будзе на дастойным месцы ў фондах бібліятэкі.    

Алена КАРПЕНКА.

Фота Дзмітрыя БЕГУНОВІЧА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.