“Наш чысты лес”—

… добраахвотную акцыю пад такой назвай правялі  работнікі ДЛГУ “Бабруйскі лясгас”: Бабруйскага, Брожскага, Глушанскага, Гарадзецкага, Грыбавецкага, Даманоўскага, Любаніцкага, Макаравіцкага, Мірадзінскага, Пятровіцкага, Прыбярэзінскага і Чыгірынскага лясніцтваў.

Да акцыі, як паведаміла намеснік дырэктара па ідэалагічнай рабоце лясгаса Т.С. Талаш, далучыліся таксама Бабруйская горрайінспекцыя прыродных рэсурсаў і аховы акаляючага асяроддзя, ГА “БРСМ”, установы адукацыі, вытворчыя прадпрыемствы, сельгасарганізацыі, садаводчыя таварыствы і інш. Усяго ў гэты дзень было прыбрана каля 15 месцаў, найчасцей гэта лясны фонд, што мяжуе з населенымі пунктамі, несанкцыянаваныя звалкі будаўнічых і бытавых рэшткаў у лясах паблізу аўтамабільных дарог, чыгункі і месцаў масавага адпачынку насельніцтва. Непасрэдна адміністрацыя лясгаса наводзіла парадак у зоне адпачынку ля туголіцкіх азёр.

Мерапрыемства ладзілася з мэтай садзеяння падтрыманню ў належным санітарным стане зямель ляснога фонду, добраўпарадкавання і навядзення чысціні вуліц, тэрыторый, што прылягаюць да грамадскіх пабудоў, падтрымання парадку ў месцах адпачынку.

Алена КАРПЕНКА.