На «Дажынкі» — лепшыя

Сёння ў Лідзе Гродзенскай вобласці праходзіць рэспубліканскае свята працаўнікоў сельскай гаспадаркі “Дажынкі-2010”, падчас якіх ушаноўваюцца лепшыя з лепшых сельгасарганізацый і працаўнікоў жніва.

Значны ўклад у  агульны хлебны каравай краіны ўнеслі сёлета і хлебаробы Бабруйшчыны. Імі намалочана 43 771 тона зерня. Таму сярод удзельнікаў «Дажынак» і дэлегацыя з нашага раёна ў складзе чатырох чалавек — пераможцаў рэспубліканскага спаборніцтва. Гэта М.П. Левакоў, старшыня СВК “Гігант” (гаспадарка заняла 3-е месца сярод лепшых сельгасарганізацый рэспублікі); А.М. Семянчукоў (СВК “Гігант”), які прызнаны пераможцам рэспубліканскага спаборніцтва за дасягненні высокіх паказчыкаў на ўборцы ўраджаю зерневых і зернебабовых культур сярод вадзіцеляў транспартных сродкаў; В.В. Вавула (СВК «Калгас імя А. Неўскага») — пераможца рэспубліканскага спаборніцтва за дасягненне высокіх паказчыкаў на нарыхтоўцы травяністых кармоў сярод камбайнераў кормаўборачных камбайнаў; А.Л. Бандарчук (СВК «Калгас імя А. Неўскага») — пераможца рэспубліканскага спаборніцтва за дасягненні высокіх паказчыкаў на нарыхтоўцы травяністых кармоў сярод вадзіцеляў транспартных сродкаў, якія перавозілі травяністыя кармы ад кормаўборачных камбайнаў.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.