Да сустрэчы, “Чырвоныя ветразі”!

З 16 да 24 жніўня на тэрыторыі раёна працаваў дзіцячы аздараўленчы перасоўчы лагер “Чырвоныя ветразі”, адпачыць у якім, набрацца сіл і запамінальных уражанняў змаглі 15 хлопчыкаў і дзяўчынак ва ўзросце 11-13 год.

Сёлета, у сувязі з забаронай разводзіць вогнішчы паблізу лясоў і ў іх, лагер размясціўся на базе дзіцячай аздараўленчай установы “Бабраня-2010”, што, па словах педагога-арганізатара Цэнтра выхаваўчай пазашкольнай работы з навучэнцамі раёна, начальніка лагера Алены Паляковіч, ніколькі не зменшыла адчування рамантыкі. Мерапрыемстваў было шмат, самага рознага накірунку, у тым ліку і экалагічнага. Дзеці з задавальненнем ачышчалі лес ад сухіх галінак, састарэлай ігліцы, смецця. Надзвычай прыемнае ўражанне пакінуў і Дзень стажора, падчас якога выхаванцы мелі магчымасць пабываць у ролі дарослых: начальніка лагера, выхавацеляў, павароў і г.д.      

Пра тое, што школьнікі з нецярпеннем будуць чакаць вяртання “Чырвоных ветразяў” у новым леце, гавораць іх развітальныя паштоўкі са словамі падзякі, захаплення, шкадавання ад растання і надзеяй на новую сустрэчу. 

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.