«Рыцарскі фэст-2010»

Мерапрыемства пад такой назвай, якое стала сапраўдным святам, і не толькі для мясцовых жыхароў, прайшло ў Мсціслаўлі ў нядзелю 14-га ліпеня.  Неардынарнае, надзвычай маляўнічае, здольнае прывабіць і дзяцей, і дарослых. Ды й не дзіва: пра адважных воінаў Сярэднявечча чыталі і чулі ўсе, а тут была магчымасць пабачыць людзей у рыцарскіх даспехах зблізку, паназіраць за тэхнікай вядзення імі бою. 

Сёлета свята ладзілася на Замкавай гары — месцы, дзе ўзнік горад Мсціслаў.  На гэты час усё тут было аформлена пад мінуўшчыну —  уздоўж агароджа, на ўзвышшы  крэпасць, а побач — палатачны рыцарскі гарадок. Удзел у фэсце прынялі каля 30 рыцарскіх клубаў з Магілёва, Мінска, Віцебска, Гомеля, Рэчыцы. Усяго з розных куткоў Беларусі сюды прыехалі каля 200 чалавек.

 

 

 

Незабыўнае ўражанне пра сябе пакінуў рыцарскі фэст і ў жыхароў нашага раёна. 

— Відовішча сапраўды запамінальнае, — падзяліўся з намі кіраўнік узорнага гурта “Глечыкі” Цэнтра рамёстваў пасёлка Глуша Аляксандр Арлоў. — Асабліва насычаным быў першы дзень: рыцарскія турніры, парад полымя, танцы і цыркавыя нумары на фоне “агню”. Горад майстроў, дзе мы выстаўлялі свае вырабы з гліны, размясціўся ў гарадскім парку, таму нам не трэба было далёка хадзіць, каб усё гэта бачыць. Былі там і “стары скляпок”, і “камера катаванняу”, можна было прадэгуставаць напоі. Лічу, што мерапрыемства прайшло паспяхова, прынесла шмат запамінальных уражанняў і мясцовым жыхарам, і гасцям свята. 

Алена КАРПЕНКА.

На здымках: фрагменты свята.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.