Падарыць добры настрой

Лета, як вядома, самая напружаная пара для вяскоўцаў: у агародах падрастаюць не толькі бульба, буракі, морква.., але і надаедлівае  пустазелле, ад якога калі ў час не пазбавіцца, можна паквітацца з ураджаем.

І ўсё ж якім бы стомленым не быў чалавек, хіба адмовіцца ён паслухаць добрую песню? Зразумела, не. Менавіта таму графік работы ў «аўтаклубаўцаў» па-ранейшаму напружаны. Як паведаміла загадчык аўтаклубам Галіна Мурашкевіч, на мінулым тыдні «клуб на калёсах» парадаваў самадзейнымі нумарамі жыхароў населеных пунктаў Гарохаўскага сельсавета, у сераду на гэтым тыдні — наведаў Варатынскі сельсавет. 11 ліпеня прыме ўдзел у свяце вёскі Дойнічава. Юныя ўдзельнікі аўтаклуба: дзіцячая харэаграфічная група “Натхненне” і Глушанская дзіцячая вакальная група “Фасолька” у чацвер парадавалі песнямі і танцамі выхаванцаў аздараўленчага лагера “Бабраня-2010”.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.