Пасеяць культуру ў час — адна справа. Другая, не менш адказная, — своечасова выканаць мерапрыемствы па яе ахове ад шкоднікаў і хвароб. Вопыт паказвае: без апошняга разлічваць на багаты ўраджай не даводзіцца.

Па словах намесніка дырэктара дзяржаўнай установы па насенневодстве, каранціну і ахове раслін З.А. Грыбавай, надвор’е гэтай пары спрыяе развіццю фітафторы на бульбе (праявы хваробы выяўлены ў прыватным сектары). Таму сельгасарганізацыі праводзяць трэцюю апрацоўку, а ў такіх як: БТАА “Амега-Люкс”, філіялы “Варатынь” РУП “БЗТДіА”, “Харчавік-Агра” ААТ “Чырвоны харчавік”, СВК “Калгас імя А. Неўскага”, РУСП “Саўгас “Кісялевічы”, бабруйскі “Аграмашсервіс”, ААТ “Агракамбінат “Бабруйскі” ужо праведзена па 3 апрацоўкі супраць фітафторы  на бульбе. У БТАА “Амега-Люкс” апрацоўваюць цыбулю супраць перанаспарозу. Супраць шкоднікаў (капуснай, рэпнай бялянкі) праводзіцца інфекцыцыдная апрацоўка на капусце. Ужо правялі яе ў БТАА “Амега-Люкс”, СВК “Калгас імя Дзяржынскага”, РУСП “Саўгас “Кісялевічы”, ААТ “ЛенінаАгра”. Для барацьбы з хваробамі стручковага рапсу ў гаспадарках праводзяць фунгіцыдную апрацоўку па яравому рапсу. Апошняя праведзена ў СВК “Калгас імя А. Неўскага”, філіялах «Варатынь” і “Харчавік-Агра”, прыступілі ў СВК “Гігант”.

Алена КАРПЕНКА.