Галоўныя пытанні планёркі

Традыцыйна абмеркаванне надзённых спраў на планёрцы ў старшыні райвыканкама Міхаіла Шалкоўскага ў гэты панядзелак пачалося са спраў сельскагаспадарчых, у прыватнасці, раслінаводчай галіны.

Як адзначыў у сваёй справаздачы першы намеснік старшыні райвыканкама, начальнік райсельгасхарчу Валерый Сяргейчык, касьбу траў першым укосам у раёне завяршылі, у асобных гаспадарках: СВК “Гігант”, філіял “Харчавік-Агра” ААТ “Чырвоны харчавік” ужо прыступілі да касьбы траў другім укосам. З травяністых кармоў пад поўную патрэбу (100 працэнтаў) нарыхтаваны сянаж. На гэты час у гаспадарках рыхтуюцца да ўборкі рапсу. Камбайны для гэтых мэт цалкам падрыхтаваны. Вядзецца падрыхтоўка сушыльных комплексаў.

Аналізуючы вытворчасць малака, было адзначана, што за выхадныя дні зніжэння паказчыкаў не дапушчана. Між тым, па словах кіраўніка раёна, неабходна нарошчваць аб’ёмы продажу малака дзяржаве экстра-класам.

Трымаць на кантролі выкананне ўсіх прагнозных паказчыкаў, у тым ліку і па росту заработнай платы, заклікала кіраўнікоў арганізацый намеснік старшыні райвыканкама Тамара Рудая.

Аб ходзе аздараўленчай кампаніі школьнікаў далажыла намеснік старшыні райвыканкама Святлана Носава. У прыватнасці было адзначана, што на мінулым тыдні завяршылі работу аздараўленчыя школьныя пляцоўкі, закончылася 1-я  змена ў лагеры з кругласутачным знаходжаннем “Бабраня-2010”. А вось створаныя на базе школ лагеры працы і адпачынку яшчэ працуюць. Акрамя іншага, раён гэтым часам рыхтуецца да святкавання Дня незалежнасці краіны. Як адзначыў Міхаіл Шалкоўскі, прыняць самы актыўны ўдзел у свяце (арганізаваць “падворкі”) — задача ўсіх сельгаспрадпрыемстваў.

Удзельнікі планёркі абмеркавалі таксама ход выканання падрыхтоўчых да ацяпляльнага сезону работ, выкананне мерапрыемстваў па добраўпарадкаванні. Значная ўвага была ўдзелена пытанням абкоскі тэрыторый населеных пунктаў. Па словах кіраўніка раёна, недастаткова гэтая задача вырашаецца ў Слабадкоўскім сельсавеце. Праўда, з набыццём мотакасы сітуацыю тут абяцаюць выправіць.

Са станам злачыннасці на тэрыторыі раёна і рабоце міліцыі па папярэджанні злачынстваў і правапарушэнняў далажыў начальнік Бабруйскага РАУС Сяргей Ільін.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.