З мэтай павышэння працоўнай матывацыі ў моладзі, адраджэння студатрадаўскага руху значная ўвага ў раёне надаецца другаснай занятасці маладых людзей. Працаўладкаванне навучэнцаў і студэнцкай моладзі ў вольны ад вучобы час — адзін з накірункаў работы па рэалізацыі маладзёжнай палітыкі ў раёне. 

Як паведаміла начальнік аддзела па справах моладзі райвыканкама Наталля Смірнова, сёлета было заключана 5 дагавораў з арганізацыямі раёна на работу ў іх студэнцкіх атрадаў. 4 атрады: 3 педагагічныя, 1 сервісны — будуць працаваць ва ўстанове адукацыі “Дзіцячы аздараўленчы лагер “Бабраня”. Дарэчы, адзін педатрад з 3 чэрвеня ўжо прыступіў да работы. Яшчэ адзін дагавор заключаны з Бабруйскім ПМК-243 на работу будаўнічага атрада. Па яго ўмове маладыя людзі прыступяць да працы ў пачатку ліпеня.

Алена КАРПЕНКА.