Вясна — самы час для актывізацыі работ па добраўпарадкаванні. Заслухаўшы справаздачу намесніка старшыні райвыканкама Ігара Кісяля аб ходзе гэтых  работ у аграгарадку  Варатынь, у прыватнасці — мясцовым Доме культуры, Міхаіл Шалкоўскі ўказаў на недастатковыя іх тэмпы. Леанід Баркоўскі, спыняючыся на пытаннях добраўпарадкавання, адзначыў, што, нягледзячы на значную работу, якая праведзена ў гэтым плане намаганнямі сельскіх саветаў (навядзенне чысціні і парадку на могілках, у населеных пунктах), яе застаецца яшчэ шмат. Да прыкладу, у шэрагу населеных пунктаў працягваюць мець месца несанкцыяваныя звалкі, што, зразумела, не прыбаўляе прыгажосці агульнаму выгляду вёсак. Шмат дзе можна ўбачыць непрыбраны металалом, які трэба каб быў адвезены на спецыяльныя месцы. Кіраўніком раёна было паднята пытанне нездавальняючага ўтрымання зямельных надзелаў, якія не выкарыстоўваюцца, і быў дадзены загад да 1 мая ўсе іх упарадкаваць і засеяць.

Міхаіл Шалкоўскі ўказаў таксама на недахопы ў рабоце са зваротамі грамадзян ва УКП “Жылкамгас”, што пацвярджаецца фактамі паўторнага звароту жыхароў раёна, і даў загад выправіць сітуацыю ў самы кароткі тэрмін, адвёўшы на гэта адзін тыдзень.

Завяршылася планёрка абмеркаваннем стану злачыннасці на тэрыторыі раёна і мер, здольных прывесці да зніжэння колькасці правапарушэнняў. 

Алена КАРПЕНКА.