Прагнозныя паказчыкі — на кантролі
Як адзначыла намеснік старшыні райвыканкама Тамара Рудая, за 2 месяцы года, па аператыўных дадзеных, з даведзеных прагнозных паказчыкаў не выкананы паказчык валавой вытворчаці прадукцыі і тавараабароту. Зразумела, каб дасягнуць планаў, намечаных на 1 квартал года, трэба добра папрацаваць у сакавіку. Да гэтага і заклікала Тамара Мікалаеўна кіраўнікоў прадпрыемстваў і арганізацый раёна. Увага апошніх была звернута таксама і на неабходнасць росту заработнай платы ў арганізацыях, і ў першую чаргу ў сельгаспрадпрыемствах. На 1 красавіка, па словах Міхаіла Шалкоўскага, у раёне не павінна быць ніводнай гаспадаркі, дзе б гэты пункт не быў выкананы. Пры гэтым было даведзена, што выплата заработнай платы павінна ажыццяўляцца да 24 дня кожнага месяца.
Алена КАРПЕНКА