Завяршыўся абласны этап рэспубліканскай вучнёўскай прадметнай алімпіяды. Ад нашага раёна ўдзел у ім прынялі 13 вучняў.

І ўжо сёння з прыемнасцю можна адзначыць, што работы 7 з 13 школьнікаў адзначаны ў вобласці. Ёсць і дыплом 1-й ступені. За работу па беларускай мове і літаратуры ім узнагароджаны Ягор ДЗЬОБІК, вучань 11 штрых-класа Брожскай СШ (настаўнік Н.У. Вярбіцкая).

Дыпломам 2-й ступені ўзнагароджана вучаніца гэтай жа школы 11 штрых-класа Марыя РАКАВА за работу па беларускай мове і літаратуры (настаўнік Н.У. Вярбіцкая), Дыпломам 3-й ступені — вучаніца 9 класа Осаўскага ВПК “дзіцячы сад-школа” Ганна ЛАПЦЕВА за работу па абслуговай працы (настаўнік Л.А. Раманоўская).

Граматы за выніковы ўдзел атрымалі 4 школьнікі:

Вольга ПАДДУБНАЯ, вучаніца 10 класа Глушанскага ВПК (настаўнік Т.Ф. Петухава) за работу па беларускай мове і літаратуры;

Дзмітрый МУРЛЕНКА, вучань 9 класа Варатынскай школы (настаўнік А.Я. Белазор) за работу па тэхнічнай працы;

Анастасія МАРНОВА, вучаніца 9 класа Брожскай СШ (настаўнік І.Д. Нікітка) за работу па фізіцы;

Вікторыя КАНЬКОВА, вучаніца 10 класа Хімоўскага ВПК (настаўнік Н.М. Савачкіна) за работу па матэматыцы.

 Алена КАРПЕНКА.