Варатынь рыхтуецца стаць аграгарадком

Гэтым часам, па словах старшыні сельсавета Уладзіміра Вяроўкіна, праводзяцца апошнія падрыхтоўчыя работы ў плане добраўпарадкавання.

Работнікамі сельсавета праведзены падворкавы абход населенага пункта, жыхарам указана на неабходнасць прыбраць, дзе ў тым маецца патрэба, з вуліц і падворкаў дровы, сена, салому, будаўнічыя матэрыялы і інш. Днямі ў населеным пункце ўсталяваны дадаткова 3 пляцоўкі для вывазу цвёрдых бытавых рэшткаў. Завяршаюцца работы па рамонту калодзежаў.

А, увогуле, па словах Уладзіміра Вяроўкіна, Варатынь за гэты год значна папрыгажэла. Гэта відаць ужо пры ўездзе ў населены пункт. Цяпер галоўнае, каб вяскоўцы ўтрымлівалі ў станоўчым выглядзе  свае падворкі, калядваровыя тэрыторыі і цанілі і захоўвалі ў належным стане тое добраўпарадкаванне, якое ў населеным пункце ўжо выканана. Таму што яно, у першую чаргу, для іх жа камфорту і ўтульнасці. 

 Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.