У бліжэйшыя два гады СВК”Гігант” мае намер пабудаваць сучаснае тыпавое бульбасховішча, якое б адпавядала еўрапейскім патрабаванням.

З-за адсутнасці спецыялізаванага сховішча гаспадарка вымушана максімальна рэалізаваць сабраны ўраджай бульбы да 1 снежня. Новае бульбасховішча маецца быць разлічаным на 12 тысяч тон клубняў. У такіх сховішчах устанаўліваюцца сістэмы актыўнага вентыліравання, кантроль за тэмпературай і вільготнасцю забяспечваюць спецыяльныя датчыкі. Новая тэхналогія дае магчымасць максімальна захаваць бульбу (страты складаюць усяго 2 працэнты), што, у сваю чаргу, дае магчымасць рэалізаваць гародніну на працягу ўсяго года.

Да слова сказаць, сёлета СВК “Гігант” павялічыў плошчу бульбяных палеткаў на 40 гектараў, усяго імі занята 240 га.

Гаспадарка набыла сучасную галандскую фасовачную лінію, на якой ажыццяўляецца фасоўка бульбы ў цэлафанавыя пакеты (ад 0,5 кг да 10 кг) і сетку (ад 2,5 кг да 25 кг) для пастаўкі ў гандаль.

Алена КАРПЕНКА.