7 кастрычніка ў Беларусі, і ў нашым раёне таксама, стартаваў “Тыдзень маці”, які будзе доўжыцца да 14 кастрычніка. Зразумела, што для цёплых слоў у адрас самага дарагога на зямлі чалавека асобныя дні не патрэбны.

Але “Тыдзень маці” — гэта  ў першую чаргу магчымасць засяродзіць увагу людзей на вялікай ролі жанчыны ў развіцці грамадства і яшчэ раз падкрэсліць, што сям’я, мацярынства — галоўныя прыярытэты сацыяльнай палітыкі нашай рэспублікі.

У раёне «Тыдзень» пачаўся з усемагчымых па назвах і формах  мерапрыемстваў, падчас якіх маленькія выхаванцы дашкольных устаноў, школьнікі і навучэнцы выказваюць шчырыя словы прызнання матулям, чый клопат пра дзяцей не праходзіць з гадамі.

Да прыкладу, у Вішнёўскай дашкольнай установе з дзецьмі правялі размовы пра адносіны да маці. Маленькія выхаванцы прадэманстравалі матулям і бабулям казку на гэтую тэму, правялі дыдактычную гульню “Для маці”. Выхаванцы Бортнікаўскага дзіцячага садка напярэдадні свята запросяць сваіх матуль на ранішнік “Дзень маці”. У Туркоўскай школе ў суботу для мам будзе ладзіцца конкурсная і канцэртная праграма. 

Алена КАРПЕНКА.