Лепшыя красмены

Традыцыйна першым з раённых спартыўных спаборніцтваў у новым навучальным годзе з’яўляецца асенні легкаатлетычны крос сярод навучэнцаў агульнаадукацыйных школ.

Сёлета, як, дарэчы, і ў папярэднія гады, пераможцамі ў агульнакамандным першынстве сталі красмены Цялушскай школы (настаўнік фізкультуры А.І. Гацко). Выхаванцы Аляксандра Іванавіча: Мікіта Лаўрыновіч, Арцём Дудаль, Ілона Лапцева, Юля Фархутдзінава, Марыя Цялюк і Зарына Лаўрыновіч, сталі пераможцамі ў асабістым першынстве ў сваіх узроставых групах, а Сяргей Крычко і Таццяна Шынкаронак занялі 2-е і 3-е месцы.

На другім месцы ў агульнакамандным заліку — вучні Хімоўскай школы (настаўнік В.У. Каваленка). Навучэнцы Дзяніс Новікаў і Даша Ражкіна прызнаны пераможцамі, а Павел Мазуронак, Васіль Шлапакоў, Марыя Гацко — прызёрамі спаборніцтваў.

3-е месца занялі юныя аматары хуткага бегу Варатынскай установы адукацыі (настаўнік У.А. Бязручка). Лідэрамі ў сваіх узроставых групах сталі Андрэй і Насця Парахневічы, прызёрамі — Арцём Асташоў, Павел Саснін, Надзея Парахневіч, Наталля Сасніна, Наталля Лук’яненка і Вікторыя Шміт, а таксама Віталь Шыла з Глушанскай школы, Максім Маскалёнак — з Брожскай, Дзмітрый Зябкін — з Гарохаўскай і Марыя Барадзіна — з Осаўскай.

Вячаслаў Давідовіч,

дырэктар ДЮСШ.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.