Восеньскія месяцы — самы час паклапаціцца аб абароне сябе і сваёй сям’і ад грыпу, які ў апошнія гады не заўжды прадказальны.

Як паведамілі ў Бабруйскім занальным цэнтры гігіены і эпідэміялогіі, мерапрыемствы па падрыхтоўцы да вакцынацыі насельніцтва пачаліся. За кошт сродкаў абласнога бюджэту закуплена высокаэфектыўная вакцына французскай вытворчасці, якой будуць прывіты дзеці да 3 год з групы рызыкі: з частымі прастудамі і хранічнымі захворваннямі.  Гэтым часам праводзіцца кампанія па вакцынацыі насельніцтва на платнай аснове. Для гэтай мэты Бабруйскай гарадской паліклінікай №2 ужо закуплена каля 100 доз вакцыны. Кошт прывіўкі будзе вагацца ад 25 да 36 тысяч рублёў.

У прадпрыемстваў і арганізацый ёсць магчымасць заключыць дагаворы з раённай паліклінікай і прывіць усіх сваіх супрацоўнікаў. Такі падыход, на думку медыкаў, зменшыць інтэнсіўнасць сезоннай эпідэміі захворвання і абароніць чалавека ад пандэмічнага грыпу. 

Алена КАРПЕНКА.