На планёрцы ў райвыканкаме

Даючы справаздачу аб стане сельскагаспадарчых работ, у прыватнасці жывёлагадоўлі, першы намеснік старшыні райвыканкама В.У. Сямёнаў адзначыў, што валавая вытворчасць малака апошнімі днямі, у параўнанні да мінулага года, складае 108-109 працэнтаў. У гаспадарках праводзяцца мерапрыемствы, накіраваныя на павелічэнне росту малака, у тым ліку, набыццё бялковай сыравіны. Нядрэннымі застаюцца паказчыкі мясной вытворчасці. Што да раслінаводства, то яно, па словах Валерыя Уладзіміравіча, прадстаўлена гэтым часам шэрагам работ. Працягвае весціся сяўба азімых, якіх засталося пасеяць 2 тысячы гектараў. Акрамя таго, у гаспадарках займаюцца капаннем бульбы, уборкай кукурузы, цукровых буракоў і інш.

Т.М. Рудая, намеснік старшыні райвыканкама, разам з іншым адзначыла, што на гэтым тыдні будуць узмоцнены работы па  добраўпарадкаванні асобных аб’ектаў у аграгарадках Цялуша і Варатынь.

Звярнуць увагу на сваё здароўе, далучыцца да акцыі “Вызначы свой ціск, скажы інфаркту і інсульту — не!”, якую 23 верасня  правядуць работнікі Цэнтра гігіены і эпідэміялогіі, заклікала прысутных на планёрцы намеснік старшыні райвыканкама С.С. Носава. Акрамя таго Святлана Сяргееўна нагадала не забываць аб заканчэнні тэрмінаў падпіскі на перыядычныя выданні на 4 квартал года.

Аб тэмпах падрыхтоўкі суб’ектаў гаспадарання раёна да ацяпляльнага сезону далажыў  в.а. намесніка старшыні райвыканкама І.М. Кісель, які, у прыватнасці адзначыў, што па стане на 16 верасня бягучага года пашпарты гатоўнасці мелі 58 працэнтаў цеплакрыніц і 28 працэнтаў цеплакарыстальнікаў. Мерапрыемствы па атрыманні пашпартоў гатоўнасці працягваюцца.    

Заслухаўшы даклад галоўнага ўрача Цэнтра гігіены і эпідэміялогіі В.М. Парахневіч аб выкананай рабоце па навядзенні чысціні ў населеных пунктах, М.У Шалкоўскі ўказаў на неабходнасць актывізаваць дадзеную работу і ахапіць ёю ўвесь раён, у асаблівасці аграгарадкі. Міхаіл Уладзіміравіч таксама катэгарычна выказаўся  і ў адрас прадпрымальнікаў, якія зарэгістраваны на тэрыторыі раёна, але ўхіляюцца ад уплаты падаткаў, матывуючы апошняе адсутнасцю дзейнасці.

Алена КАРПЕНКА.   

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.