Арганізацыя летняй занятасці непаўналетняй моладзі ад 14 да 18 год — эфектыўная форма работы з непаўналетнімі ў вольны ад вучобы час.

Гэты від занятасці садзейнічае адаптацыі моладзі да працоўнай дзейнасці, а таксама з’яўляецца адной з дзейсных мер па прафілактыцы правапарушэнняў сярод падлеткаў.

Як паведамілі ў аддзеле па справах моладзі райвыканкама, сёлета ў раёне будзе працаваць 5 студэнцкіх атрадаў, 2 з якіх — педагагічныя і 3 — валанцёрскія. Таксама пры садзеянні РК ГА “БРСМ” болей за 30 маладых людзей будуць працаўладкаваны індывідуальна. 

Адзін са студэнцка-педагагічных атрадаў 5 чэрвеня ўжо прыступіў да работы. Маладыя людзі працуюць у якасці выхавацеляў і важатых ў аздараўленчым лагеры “Бабруйскі каласок”. Што да валанцёрскіх атрадаў, то яны будуць займацца добраўпарадкаваннем раёна: тэрыторый населеных пунктаў Цялуша і Варатынь, якія сёлета стануць аграгарадкамі. Падлеткі будуць усталёўваць лаўкі для адпачынку, фарбаваць агароджу, наводзіць парадак у паркавых зонах і інш. 

Алена Карпенка.