Вытворчасць малака

Валавая вытворчасць малака па стану на раніцу ўчарашняга дня, 12 мая, у цэлым па раёне склала 1 205,5 ц (101 працэнт да мінулагодняга ўзроўню). Леташніх паказчыкаў не дасягнулі 2 сельгасарганізацыі: СВК “Гігант” (87 працэнтаў) і ААТ “ЛенінаАгра” (73). У Бабруйскім СВК “Перамога” надаілі столькі, як у мінулым годзе (100 працэнтаў). Ва ўсіх астатніх гаспадарках паказчык росту вышэй за сярэднераённы: СВК “Калгас імя Дзяржынскага” (116); СВК “Стасеўка” (130); філіял “Варатынь” РУП “БЗ ТДіА” (115); СВК “Калгас імя А. Неўскага” (110); філіял “Харчавік-Агра” ААТ “Чырвоны харчавік” (109); Бабруйскае ААТ “Аграмашсервіс” (145); РУСП “Саўгас “Кісялевічы” (105); ААТ “Агракамбінат “Бабруйскі” (112 працэнтаў).

Удой на карову ў дзень у сярэднім па раёне склаў 13,50 кг, што на 0,45 кг болей, чым у мінулым годзе. Найвышэйшы паказчык удою ў РУСП “Саўгас “Кісялевічы” — 24,48 кг (+1,02 кг), другі — у СВК “Калгас імя Дзяржынскага” — 15,70 (+1,90), трэці — у СВК “Калгас імя А. Неўскага” — 15,66 (+ 1,39), чацвёрты — у філіяле “Варатынь” РУП “БЗТДіА” 15,60 (+ 2,00). Вышэй за сярэднераённы паказчык удою і ў СВК “Гігант” — 13,70 (- 2,00).

У астатніх — ніжэй: СВК “Стасеўка” — 13,00 кг (+ 4,78 кг); філіял “Харчавік-Агра” ААТ “Чырвоны харчавік” — 12,20 (+ 0,70), Бабруйскае ААТ “Аграмашсервіс” — 11,70 (+ 3,08), ААТ “Агракамбінат “Бабруйскі” — 11,50 (+1,17), Бабруйскі СВК “Перамога” — 11,20 (+ 0,02), ААТ “ЛенінаАгра” — 9,30 (- 7,05).

Што тычыцца малака, закупленага ў насельніцтва, то з пачатку мая яго закупілі 169 306 кг супраць 187 086 кг у мінулым годзе. Пры гэтым за 11 мая малака закупілі болей, чым у мінулым годзе (18 123: 15 992).