Справаздачу трымала Магілёўская вобласць

22 мая ў Палацы Рэспублікі г. Мінска прайшоў справаздачны канцэрт творчых калектываў Магілёўскай вобласці, прысвечаны 65-й гадавіне вызвалення Беларусі ад нямецка-фашысцкіх захопнікаў.

Бабруйшчына на свяце была прадстаўлена шэрагам вакальных і харэаграфічных калектываў, сярод якіх і народны вакальна-харэаграфічны ансамбль “Пярэзвы” раённага Цэнтра культуры. Праграма была пабудавана такім чынам, каб кожны з прысутных меў уяўленне аб творчых фестывалях — абласных і міжнародных, што праводзяцца ў Магілёўскай вобласці: “Сузор’е талентаў”, “Залатая пчолка”, “Вянок дужбы”, “Магутны Божа”, “Залаты шлягер”. 

На справаздачным канцэрце ў сталіцы пабывала і дэлегацыя з нашага раёна, у склад якой увайшлі адказныя работнікі райвыканкама, кіраўнікі грамадскіх аб’яднанняў, палітычных партый, перадавікі сельскагаспадарчай вытворчасці і іншых галін народнай гаспадаркі раёна. Узначаліў дэлегацыю старшыня Бабруйскага раённага выканаўчага камітэта М.У. Шалкоўскі. 

У гэты дзень на пляцоўцы перад Палацам Рэспублікі сваю прадукцыю прадстаўлялі вядучыя прадпрыемствы Магілёўскай вобласці. Асаблівым попытам у мінчан і гасцей горада карысталася прадукцыя ААТ “Чырвоны харчавік”, ААТ “Славянка”, іншых бабруйскіх прадпрыемстваў. Інтарэс выклікалі і “дажынкаўскія падворкі”. Цікавасць да “падворка” ад нашага раёна не слабела напрацягу ўсёй выставы. Яно і зразумела: майстэрства ганчарнай справы там дэманстраваў народны майстар Беларусі Ю.І. Боўда.

Алена Карпенка.

Фота Алены БЕГУНОВІЧ. 

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.